រូបភាព៣សន្លឹក ដែលមហាជនជាច្រើនមើលទៅគួរឲ្យសង្វេគបំផុត ខណៈដែលក្រុមគ្រូពេទ្យ បាននាំសុគន្ធ និសា ទៅសម្រាកព្យាបាលជំងឺកូវីដ-១៩ នៅមន្ទីរពេទ្យព្យាបាលជំងឺកូវីដ-១៩ កម្រិតស្រាល។
សុគន្ធ និសា ដែលជាតារាចម្រៀងជ្រកកោនក្រោមផលិតកម្មរស្មីហង្សមាស ដែលត្រូវបានធ្វើតេស្តរកឃើញជំងឺកូវីដ-១៩ នៅថ្ងៃនេះ។
មុនចាកចេញពីផ្ទះ អ្នកនាងសុគន្ធ និសា បានបង្ហោះសារថា “នាងខ្ញុំ សុគន្ធនិសា (sokunnisa ) បានធ្វើតេស្តកូវីដ19 ឥឡូវនេះ ជម្រាបជូនដល់បងប្អូនជាសាធារណៈថា ខ្ញុំបាន positive ហើយ គឺមានមេរោគនេះហើយ អីចឹងសូមបងប្អូនទាំងអស់មានការប្រុងប្រយ័ត្នឲ្យបានខ្ពស់ដើម្បីសុវត្តិភាព ខ្លួនឯងនឹងក្រុមគ្រួសារ សូមជូនពរឲ្យបងប្អូនទាំងអស់ឆ្លងផុតពីជំងឺនេះ
សូមទោសបងប្អូនដែលខ្ញុំអត់បានឆ្លើយតប អធ្យាស្រ័យផងណាបងប្អូន ក្នុងចំណោមអ្នកផ្ទះខ្ញុំ ៧ នាក់ ដែលបានធ្វើតេស្តដោយក្រុមលោកគ្រូអ្នកគ្រូពេទ្យជំនាញ គឺមានកើតតែខ្ញុំម្នាក់តែប៉ុណ្ណោះ អ្នកផ្ទះខ្ញុំអត់មានទេ តែក៏ត្រូវផ្តាច់ខ្លួន ១៤ថ្ងៃដែរ ហើយខាងផ្ទះម្តាយខ្ញុំ គឺអត់ពាក់ព័ន្ធឡើយ”។
អ្នកនាងសុគន្ធ និសា បានបង្ហោះសារបន្ថែមទៀតថា “នាងខ្ញុំសុគន្ធ និសា សូមគោរពថ្លែងអំណរគុណដល់សម្តេចតេជោ (លោកពុក) សម្តេចកិត្តិព្រឹទ្ធបណ្ឌិត (លោកម៉ែ) ថ្នាក់ដឹកនាំទាំងអស់ និងក្រុមលោកគ្រូអ្នកគ្រូពេទ្យជំនាញដែលបានយកចិត្តទុកដាក់ ទាក់ទងនឹងសុខភាពរបស់នាងខ្ញុំ ក៏ដូចជាក្រុមការងារហង្សមាសទាំងអស់ និងក្រុមគ្រួសាររបស់នាងខ្ញុំ សូមបងប្អូនទាំងអស់ ប្រុងប្រយ័ត្នឲ្យបានខ្ពស់ ដើម្បីបានសុខទាំងអស់គ្នា ហើយក៏អាចជាការទប់ស្កាត់ ជួយសម្រាលបន្ទុកដល់ថ្នាក់ដឹកនាំ និង ក្រុមលោកគ្រូអ្នកគ្រូពេទ្យ នឹងសម្រាលទម្ងន់ស្ថានភាព ក្នុងប្រទេសរបស់យើងផង”៕
