បាងកក (ថៃ) ៖ សមាជិកគណៈរដ្ឋមន្រ្តីថ្មីថៃ បានធ្វើសច្ចាប្រណិធាន ចូលកាន់តំណែងនៅចំពោះមុខព្រះ មហា ក្សត្រ ក្នុងព្រះបរមរាជវាំង នៅថ្ងៃទី៣ ខែកក្កដា ឆ្នាំ២០២៥ ខណៈលោកស្រី ផែថងថាន ស៊ីណាវ៉ាត់ នាយករដ្ឋមន្រ្តីដែលត្រូវបានតុលាការធម្មនុញ្ញព្យួរតំណែង ក៏បានស្បថចូលកាន់តំណែងជារដ្ឋមន្រ្តីវប្បធម៌ ផងដែរ។
ក្នុងពិធីស្បថចូលកាន់តំណែងនេះ លោកសុរិយៈ ជឹងរុងរឿងគីត អតីតឧបនាយករដ្ឋមន្ត្រី រដ្ឋមន្ត្រីក្រសួងគមនា គមន៍ ដែលត្រូវបានតែងតាំងជានាយករដ្ឋមន្ត្រីស្តីទី ជំនួសលោកស្រី ផែថងថាន ស៊ីណាវ៉ាត់ បន្ទាប់ពីតុលាការធម្មនុញ្ញ បានសម្រេចព្យួរតំណែងនាយករដ្ឋមន្ត្រី របស់លោកស្រី ផែថងថាន ស៊ីណាវ៉ាត់ បានដឹកនាំសមាជិកគណៈរដ្ឋមន្រ្តី ចំនួន ១៤នាក់ ធ្វើសច្ចាប្រណិធានចូលកាន់តំណែង។ ។
១- លោក ភូមិថាំ វេជយឆ័យ ជាឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ
២- លោក សុឆាត ដាន់ច:រើន ជារដ្ឋមន្ត្រីទទួលបន្ទុកទីស្តីការនាយករដ្ឋមន្ត្រី
៣- លោកស្រី សុដាវណ្ណ វ៉ាំងសុភកិច្ចកុសល ជារដ្ឋមន្ត្រីក្រសួងអប់រំឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍
៤- លោក អាត់ថ:ខន ស៊ិរិលត្យាកន ជារដ្ឋមន្ត្រីក្រសួងកសិកម្ម និងសហករណ៍
៥- លោក ចតុផន បុរុតផាត់ ជារដ្ឋមន្ត្រីក្រសួងពាណិជ្ជកម្ម
៦- លោក ឆាន់ធ្វីត សាន់ថ:ស៊ីត ជាអនុរដ្ឋមន្ត្រីក្រសួងពាណិជ្ជកម្ម
៧- លោក ដេឆ:អ៊ិសម៍ ខាវថង ជាអនុរដ្ឋមន្ត្រីក្រសួងមហាផ្ទៃ
៨- លោក ភុងឃ្វីន ជឹងរុងរឿងកិច្ច ជារដ្ឋមន្ត្រីក្រសួងការងារ
៩- លោកស្រី ផែថងថាន ស៊ីណាវ៉ាត់ ជារដ្ឋមន្ត្រីក្រសួងវប្បធម៌
១០- លោកស្រី នឫមល ភិនយ៉ូស៊ីនវ៉ាត់ ជារដ្ឋមន្ត្រីក្រសួងអប់រំ
១១- លោកស្រី ស៊ិន្ធិផន វរិនវ៉ាតឆ:រ:រ៉ូច ជាអនុរដ្ឋមន្ត្រីក្រសួងអប់រំ
១២- លោក ថេវ័ន លិបតាផាន់លប់ ជាអនុរដ្ឋមន្ត្រីក្រសួងអប់រំ
១៣- លោក អនុឆា ស:ស៊ុមទ្រព្យ ជាអនុរដ្ឋមន្ត្រីក្រសួងសុខាភិបាល
១៤- លោក ឆ័យឆ:ណ: តេជះតេជោ ជាអនុរដ្ឋមន្ត្រីក្រសួងសុខាភិបាល
បន្ទាប់ពីពិធីស្បថចូលកាន់តំណែង គណៈរដ្ឋមន្រ្តីថ្មី មានកិច្ចប្រជុំមួយ នៅវិមានរដ្ឋាភិបាល ហើយលោកសុរិយៈ ជឹងរុងរឿងគីត បានផ្ទេរតួនាទីនាយករដ្ឋមន្រ្តីស្តីទី ជូនទៅលោក លោក ភូមិថាំ វេជយឆ័យ ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ វិញ។
លោក ជិរ៉ាយុ ហួងទ្រព្យ អ្នកនាំពាក្យទីស្តីការនាយករដ្ឋមន្ត្រី បានឲ្យដឹងថា ក្នុងកិច្ចប្រជុំគណៈរដ្ឋមន្ត្រី នៅថ្ងៃព្រហស្បតិ៍ ទី៣ ខែកក្កដា ឆ្នាំ២០២៥ អង្គប្រជុំគណៈរដ្ឋមន្ត្រី បានឯកភាពតាមសំណើរបស់ទីស្តីការនាយករដ្ឋមន្ត្រី ទាក់ទិននឹងការចាត់តាំងឧបនាយករដ្ឋមន្ត្រី ឲ្យធ្វើជានាយករដ្ឋមន្ត្រីស្តីទី ក្នុងករណីដែលនាយករដ្ឋមន្ត្រី មិនអាចបំពេញភារកិច្ចបាន។ ឧបនាយករដ្ឋមន្ត្រី ដែលត្រូវចាត់តាំងឱ្យធ្វើការជំនួសនាយករដ្ឋមន្ត្រី (នាយករដ្ឋមន្ត្រីស្តីទី) តាមលំដាប់ដូចខាងក្រោម ៖
១- លោក ភូមិថាំ វេជយឆ័យ
២- លោកសុរិយៈ ជឹងរុងរឿងគីត
៣- លោកភីរផាន់ សាលីរដ្ឋវិផាក
៤- លោកភិឆ័យ ឈុនហវឈិរ:
៥- លោកប្រ:សឺត ច័ន្ទថាន់វង់ថង៕
