ខេត្តតាកែវ ៖ រូបភាពមិនសមរម្យ ១សន្លឹក បានបែកធ្លាយពេញបណ្តាញសង្គម បង្ហាញពីព្រះសង្ឃ ១អង្គ កំពុងនៅក្នុងបន្ទប់ជាមួយនារីម្នាក់ ដែលត្រូវបានមហាជន ពុទ្ធបរិស័ទ សង្ស័យថា គឺជាស្រីស្នេហ៍ ទាំងដែលព្រះសង្ឃអង្គនោះ ព្យាយាមប្រកែកថា មិនមែនជាស្រីស្នេហ៍ទេ គឺជាកូនក្មួយ។
គួរបញ្ជាក់ថា ថ្មីៗនេះ អ្នកប្រើប្រាស់បណ្តាញសង្គម បានធ្វើការចែករំលែកព្រោងព្រាត ពេញក្នុងបណ្តាញសង្គម នូវរូបថត ១សន្លឹក ដែលបង្ហាញឱ្យឃើញពីរូបព្រះសង្ឃ ១អង្គ កំពុងគង់នៅក្នុងបន្ទប់ជាមួយមនុស្សស្រីម្នាក់ ដែ លត្រូវបានសង្ស័យថាជាស្រីស្នេហ៍។ អ្វីដែលគួរឱ្យចាប់អារម្មណ៍ នៅក្នុងរូបថត ១សន្លឹកនោះ គឺព្រះសង្ឃអង្គ នោះ ទំនងជាទើបនឹងនិមន្តចេញពីស្រង់ទឹក ក្នុងបន្ទប់ទឹក ដោយស្លៀកតែកន្សែងពោះគោប៉ុណ្ណោះ (លែងខ្លួន ទទេ) ចំណែកអ្នកដែលថតព្រះអង្គ គឺជាមនុស្សស្រី (កំពុងដេកថតពីលើពូក) នេះបើយោងតាមរូបថតដែលថតជាប់ជើង ១គូ របស់មនុស្សស្រី។
ព្រះសង្ឃដែលបែកធ្លាយរូបនៅក្នុងបន្ទប់ជាមួយមនុស្សស្រីនោះ មានព្រះនាម សម វិជ្ជា អតីតព្រះចៅអធិការវត្តកំពង់ស្លែង។
តាមប្រភពព័ត៌មាន បានឱ្យដឹងថា ប្រជាពុទ្ធបរិស័ទភូមិព្រេចជើង វត្តកំពង់ស្លែង បានសំណូមពរដល់មន្ត្រីសង្ឃ អនុគណក្រុង ព្រះមន្ត្រីសង្ឃ សាលាគុណខេត្តតាកែវ រួមទាំងសម្តេចសង្ឃ ក៏ដូចជាក្រសួងធម្មការនិងសាសនា មេត្តាជួយពិនិត្យមើលសង្ឃ ១អង្គ ព្រះនាម សម វិជ្ជា អតីតព្រះចៅអធិការវត្តកំពង់ស្លែង នេះផង ដែលធ្លាប់មានបញ្ហាជាច្រើន រហូតត្រូវពុទ្ធបរិស័ទចំណុះជើងវត្ត សុំឱ្យចេញពីវត្ត ទៅគង់នៅជាមួយព្រះសង្ឃវត្តឈើទាលទង ត្រា។ លុះទៅនៅវត្តឈើទាលទងត្រា ហើយក៏មានបញ្ហាទៀត ឥឡូវមកបង្កើតអាស្រមស្នាក់នៅដោយអង្គឯង នៅខាងជើងវត្តតុំ។
ជុំវិញករណីបែកធ្លាយរូបភាពខាងលើនេះ ព្រះតេជគុណ សម វិជ្ជា បានឆ្លើយបំភ្លឺថា ស្ត្រីនោះមិនមែនជាស្រីស្នេហ៍ទេ គឺជាកូនក្មួយរបស់ព្រះអង្គ។ ជាមួយនេះ ព្រះអង្គ បានគំរាមប្តឹងអ្នកផ្សព្វផ្សាយរូបភាពនោះនៅតាមបណ្តាញសង្គមទៀតផង។
ប្រជាពុទ្ធបរិស័ទ បានបង្ហើបថា ព្រះសង្ឃអង្គនេះ ធ្លាប់លេចធ្លាយវីដេអូលួចនៅជាមួយស្រីកំណាន់ចិត្ត ច្រើនខែច្រើនឆ្នាំមកហើយ ជាហេតុធ្វើឱ្យប៉ះពាល់ដល់តម្លៃព្រះសង្ឃ និងព្រះពុទ្ធសាសនា យ៉ាងខ្លាំង ដូច្នេះប្រជាពុទ្ធបរិស័ទសង្ឃឹមថា ព្រះមន្ត្រីសង្ឃគ្រប់លំដាប់ថ្នាក់ ក៏ដូចជាអាជ្ញាធរមានសមត្ថកិច្ច នឹងពិចារណាបើកការស៊ើប អង្កេតករណីនេះ ឱ្យបានច្បាស់លាស់ ដើម្បីចៀសវាងបុគ្គលជ្រកក្រោមស្លាកសាសនា ធ្វើឲ្យប៉ះពាល់ដល់តម្លៃព្រះសង្ឃ និងព្រះពុទ្ធសាសនា ដែលជាសាសនារបស់រដ្ឋ៕