កូរ៉េខាងត្បូងៈនៅថ្ងៃទី18 ខែសីហា កន្លងនេះ ព្រះវិហារតង់ហ្សានី(គ្រូទទួលបន្ទុក Yoon Hyun-cheol ព្រះវិហារតង់ហ្សានី ស៊ីន ឆន់ជី)ខាងពូជអំបូរពេត្រុសនៃព្រះវិហាររោងឧបោសថនៃសេចក្ដី បន្ទាល់សាសនាគ្រីស្ទស៊ីនឆន់ជី បានប្រារព្ធ «ការប្រឡងព្រះគម្ពីរវិវរណៈជាសាធារណៈ»នៅក្នុងទីក្រុងធំៗ ក្នុងប្រទេសតង់ហ្សានី រួមទាំងទីក្រុង Dar es Salaam ដោយមានគ្រូគង្វាលប្រូតេស្តង់ក្នុងស្រុក និងពួកបរិសុទ្ធព្រះវិហារគ្រីស្ទស៊ីនឆន់ជីចូលរួម។
ការប្រឡងលើកនេះ ដោយផ្អែកលើព្រះបន្ទូលវិវរណៈ ដែលអ្នកជឿទាំងអស់ត្រូវតែដឹងនៅគ្រានេះ ត្រូវបានរៀបចំឡើង ដើម្បីលើកទឹកចិត្តអ្នកជឿដែលសង្ឃឹមលើនគរស្ថានសួគ៌ ពិនិត្យមើលថា តើពួកគេបានកាន់តាមព្រះគម្ពីរវិវរណៈ (វិវរ. 22:18-19) និងផ្តល់ឱកាសដើម្បីជំហរត្រង់នៅចំពោះព្រះ។ ការប្រឡងមានសំណួរធំសំខាន់ៗចំនួន10 និងសំណួរតូចៗចំនួន 33 ដែលផ្តោតលើព្រះគម្ពីរវិវរណៈ។ អ្នកចូលរួមត្រូវបានផ្តល់ពេលវេលា ដើម្បីសញ្ជឹងគិតថា តើពួកគេជឿ និងកាន់តាមព្រះបន្ទូល មិនមែនត្រឹមតែចំណេះដឹងរបស់ពួកគេនោះទេ។
មនុស្សសរុបចំនួន 138នាក់ បានចូលរួមប្រឡង ក្នុងនោះមានគ្រូគង្វាលប្រូតេស្តង់ក្នុងស្រុកចំនួន 98នាក់ និងពួកបរិសុទ្ធព្រះវិហារគ្រីស្ទស៊ីនឆន់ជី 40នាក់ និងផ្សេងទៀត។ នេះជាលើកទីមួយហើយ ដែលគ្រូគង្វាលជាច្រើននាក់មកពីក្រៅប្រទេសបានចូលរួមក្នុងការប្រឡងដូចគ្នានេះ ខុសពីឆ្នាំមុន ដែលមានតែគ្រូគង្វាល ម្នាក់គត់មកពីព្រះវិហារប្រពៃណីបានចូលរួមក្នុងការប្រឡងដូចគ្នានៅក្នុងប្រទេសកូរ៉េ។
លទ្ធផលប្រឡងបានបង្ហាញពីភាពខុសគ្នានៃពិន្ទុជាមធ្យមនៅទូទាំងក្រុម (ពួកបរិសុទ្ធព្រះវិហារគ្រីស្ទ ស៊ីនឆន់ជី ជាមធ្យម 95ពិន្ទុ គ្រូគង្វាលប្រូតេស្តង់ជាមធ្យម 7ពិន្ទុ)។ ទោះជាយ៉ាងណាក៏ដោយ គោលបំណងដើមនៃការប្រឡងនេះគឺមិនមែនដើម្បីកំណត់ខ្ពស់ទាបនោះទេ ប៉ុន្តែដើម្បីផ្តល់ឱកាសសម្រាប់មនុស្សម្នាក់ៗ ដើម្បីពិនិត្យមើលសេចក្តីជំនឿរបស់ពួកគេ ហើយចូលទៅជិតព្រះតាមរយៈព្រះគម្ពីរវិវរណៈ។
គ្រូគង្វាលម្នាក់ដែលបានប្រឡងបាននិយាយថា “ការឃើញពួកបរិសុទ្ធស៊ីនឆន់ជី សរសេរចម្លើយត្រឹមត្រូវ ដោយឥត ស្ទាក់ស្ទើរ ថ្ងៃនេះបានធ្វើឱ្យខ្ញុំឆ្លុះបញ្ចាំងពីជំនឿ និងបេសកកម្មរបស់ខ្ញុំក្នុងនាមជាគ្រូគង្វាល” ហើយបន្ថែមថា “ចាប់ពីពេលនេះតទៅ ខ្ញុំនឹងរៀនគម្ពីរវិវរណៈតាមរយៈមជ្ឈមណ្ឌលបេសកកម្មសាសនាគ្រីស្ទស៊ីយ៉ូននៃស៊ីនឆន់ជី ដែលណែនាំ សមាជិកក្រុមជំនុំលើមាគ៌ារបស់ព្រះ ហើយបង្រៀនពួកគេយ៉ាងត្រឹមត្រូវដើម្បីឱ្យពួកគេអាចទៅនគរស្ថានសួគ៌បាន។
លោក Lee Man-Hee ដែលជាប្រធានក្រុមជំនុំព្រះវិហារគ្រីស្ទស៊ីនឆន់ជី បានដកស្រង់ព្រះគម្ពីរយ៉ាងខ្ជាប់ខ្ជួន ជាពិសេស វិវរណៈ 22:18-19 ដោយសង្កត់ធ្ងន់ថា “ដើម្បីចូលនគរស្ថានសួគ៌ យើងត្រូវយល់ និងកាន់តាមព្រះបន្ទូល នៃវិវរណៈដោយមិនបញ្ចូល ឬដកនោះឡើយ។ គាត់ក៏បានគូសបញ្ជាក់យ៉ាងខ្ជាប់ខ្ជួននូវតម្រូវការ ដើម្បីពិនិត្យមើល ជំនឿរបស់មនុស្សម្នាក់ៗដោយផ្អែកលើព្រះគម្ពីរដោយប្រសាសន៍ថា “ស្តង់ដារសម្រាប់ការវិនិច្ឆ័យសេចក្តីពិត ឬក្លែងក្លាយ, ត្រឹមត្រូវ ឬខុសឆ្គង មិនមែនតាមទំនៀមទម្លាប់ ឬគោលលទ្ធិរបស់មនុស្សទេ គឺមានតែនៅក្នុងព្រះបន្ទូល ព្រះគម្ពីរតែប៉ុណ្ណោះ”។
កាលពីឆ្នាំមុន ព្រះវិហារគ្រីស្ទស៊ីនឆន់ជី បានបង្កើតចំណងជើងនៅក្នុងប្រទេសកូរ៉េ ដោយធ្វើការប្រឡងព្រះគម្ពីរ ជាមួយគ្រូគង្វាលមកពីព្រះវិហារតាមប្រពៃណី។ ក្នុងចំណោមបេក្ខជនចំនួន 313នាក់ មានគ្រូគង្វាលម្នាក់មកពីនិកាយ តាមប្រពៃណីបានចូលរួម។ ការប្រឡងនៅតង់ហ្សានីនេះមានសារៈសំខាន់ក្នុងការពង្រីកទំនៀមទំលាប់នោះហើយជាលើកទីមួយដែលគ្រូគង្វាលមួយចំនួនធំមកពីក្រៅប្រទេសបានចូលរួម។
អ្នកតំណាងព្រះវិហារគ្រីស្ទស៊ីនឆន់ជីបានមានប្រសាសន៍ថា ’ការប្រឡងព្រះគម្ពីរមិនមែនគ្រាន់តែជាការវាយតម្លៃចំណេះដឹងប៉ុណ្ណោះទេ ប៉ុន្តែជាកន្លែងដើម្បីបញ្ជាក់ថាតើព្រះគម្ពីរគឺជាស្តង់ដារសម្រាប់សេចក្តីជំនឿរបស់មនុស្ស ឬអត់” ។ ពួកគាត់បានបន្ថែមថា “យើងមានអំណរគុណដែលគ្រូគង្វាលក្នុងប្រទេស និងក្រៅប្រទេសបានចូលរួមជាបណ្តើរៗ ។ យើងសង្ឃឹមថា ព្រះវិហារ និងអ្នកជឿកាន់តែច្រើននឹងផ្លាស់ប្តូរ ហើយរួបរួមតែមួយដោយជំហរលើព្រះបន្ទូល”។
ទន្ទឹមនឹងនេះដែរ ព្រះវិហារស៊ីនឆន់ប្រទេសតង់ហ្សានីបានរីកចម្រើនជាលំដាប់ចាប់តាំងពីការបង្កើតឡើងក្នុងឆ្នាំ2018 ដោយមានសមាជិកប្រមាណ 2,440នាក់ បានអនុវត្តសេចក្តីជំនឿរបស់ពួកគេគិតត្រឹមខែសីហាឆ្នាំនេះ។ តាមរយៈ ការផ្លាស់ប្តូរជាមួយគ្រូគង្វាលក្នុងតំបន់ ព្រះវិហារកំពុងព្យាយាមផ្សព្វផ្សាយសេចក្តីជំនឿដែលផ្តោតលើព្រះគម្ពីរ ៕