មន្ត្រីជាន់ខ្ពស់រដ្ឋាភិបាល៣រូប ត្រូវបានតែងតាំងជាថ្នាក់ដឹកនាំក្រុមប្រឹក្សាបណ្ឌិតសភាចារ្យ តាមព្រះរាជក្រឹត្យតែងតាំង ដែលត្រូវបានចេញកាលពីមិ្សលមិញ និងបានចុះហត្ថលេខាដោយប្រមុខរដ្ឋស្តីទី សម្តេចប្រធានព្រឹទ្ធសភា សាយ ឈុំ។
មន្ត្រី៣រូបដែលនឹងក្លាយទៅជាក្រុមប្រឹក្សាបណ្ឌិតសភាចារ្យ មានដូចជា ឯកឧត្តមអូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាប្រធាន, ឯកឧត្តមហង់ ជួនណារ៉ុន រដ្ឋមន្ត្រីក្រសួងអប់រំ ជាអនុប្រធាន និងលោកសុខ ទូច ប្រធានរាជបណ្ឌិតសភា ជាអនុប្រធានប្រចាំការ។
គួរបញ្ជាក់ថា លោកសុខ ទូច ត្រូវបានតែងតាំងជាប្រធានរាជបណ្ឌិតសភា ជំនួសលោកស្រី ខ្លូត ធីតា ហើយលោកស្រី ខ្លូត ធីតា ត្រូវបានតែងតាំងជាទីប្រឹក្សានាយករដ្ឋមន្ត្រី នេះបើតាមបើតាមព្រះរាជក្រឹត្យចុះថ្ងៃទី២៩ កក្កដា កន្លងទៅ ដែលចុះហត្ថលេខាដោយសម្តេចប្រធានព្រឹទ្ធសភា សាយ ឈុំ ផងដែរ៕
