ជំនន់ទឹកភ្លៀងបានបំផ្លាញផ្នែកខាងក្នុង និងទេសភាពនៅខាងក្រៅ ពហុកីឡដ្ឋាន Volgograd ដែលទើបតែសាងសង់ថ្មី សម្រាប់ទទួលការប្រកួតបាល់ទាត់ពិភពលោក២០១៨ ដែលទើបតែបញ្ចប់កាលពីថ្ងៃអាទិត្យ ទី១៥ ខែកក្កដា កន្លងទៅនេះ។
ពហុកីឡដ្ឋាននេះ ទើបតែកសាងឡើងអស់ទឹកប្រាក់២៦១លានដុល្លារ អាចផ្ទុកមនុស្សបាន៤៥០០០នាក់ ទទួលការប្រកួតបានចំនួន៤ដង គឺ អង់គ្លេស ឈ្នះ ទុយនីស៊ី ២-១, អាហ្សង់ទីន ឈ្នះ នីហ្សេយ៉ា ២-១, អារ៉ាប៊ី សាអ៊ូឌីត ឈ្នះ អេហ្ស៊ីប ១-០ និង ប៉ូឡូញ ឈ្នះ ជប៉ុន១-០ ផងដែរ។
ក្រុមហ៊ុនសាងសង់ បាននិយាយថា ទីតាំងពហុកីឡដ្ឋាននេះនៅជាប់នឹងមាត់ស្ទឹងពេក ដែលបណ្តាលឲ្យបាក់ដីបែបនេះ។
ក្រៅពីបំផ្លាញពហុកីឡដ្ឋានជន់ទឹកភ្លៀង ក៏បានធ្វើឲ្យខូចខាតហេដ្ឋារចនាសម្ព័ន្ធជាច្រើនទៀត។
ក្រុមហ៊ុនបានសន្យាថា នឹងចាប់ផ្តើមជួសជុលឡើងវិញ៕
