ប្រទេសស៊ីលី ត្រូវបានជ្រើសរើសធ្វើជាម្ចាស់ផ្ទះ សម្រាប់ការប្រកួតវគ្គផ្តាច់ព្រ័ត្រពានរង្វាន់ Copa Libertadores ឆ្នាំ២០១៩ ។ នេះបើយោងតាមប្រភពព័ត៌មានពីសហព័ន្ធបាល់ទាត់បាល់ទាត់អាមេរិកខាងត្បូង ចេញផ្សាយកាលពីថ្ងៃពុធ ទី១៥ ខែសីហា ឆ្នាំ២០១៨ ។
នេះគឺជាការប្រកួតតែមួយជើង ក្នុងទឹកដីកណ្តាល លើកដំបូង ដែលកាលពីមុនមក ធ្លាប់ប្រកួតពីរជើង (ក្នុងផ្ទះ និងក្រៅផ្ទះ)។
ការប្តូររូបមន្តប្រកួតនេះ បានធ្វើឲ្យខាតបង់ប្រាក់ចំណូលសម្រាប់ប្រទេសរៀងៗខ្លួន ។
ទាក់ទងទៅនឹងបញ្ហានេះ សហព័ន្ធបាល់ទាត់អាមេរិកខាងត្បូងបាននិយាយថា នឹងផ្តល់២៥ភាគរយ ដែលបានមកពីការលក់សំបុត្រដល់ក្លឹបបាល់ទាត់ណាដែលឡើងមកដល់វគ្គផ្តាច់ព្រ័ត្រនេះ។
ការប្រកួតនេះវគ្គផ្តាច់ព្រ័ត្រនេះ នឹងធ្វើឡើងនៅក្នុងពហុកីឡដ្ឋានជាតិទីក្រុង Santiago នៅខែវិច្ឆិកា ឆ្នាំក្រោយ។
ការសម្រេចចិត្តនេះត្រូវបានប្រកាស បន្ទាប់ពីសហព័ន្ធបាល់ទាត់ ពិនិត្យនិងវាយតម្លៃថា តើពហុកីឡដ្ឋានណាដែលមានលក្ខណៈសម្បត្តិគ្រប់គ្រាន់ដើម្បីទទួលការប្រកួតពានរង្វាន់ដ៏ធំបែបនេះ៕