ភ្នំពេញ ៖ កម្មការិនីម្នាក់ចេញពីរោងចក្រ មកដល់បន្ទប់ជួលចាក់សោបន្ទប់ រួចអត់បិទទ្វារត្រូវជនសង្ស័យម្នាក់ចូលទៅចាប់ចងដៃ ហើយស្រាតសំលៀកបំពាក់ចេញធ្វើសកម្មភាពរំលោភ ថែមទាំងយកដងអំបោសដាក់ក្នុងប្រដាប់ភេទ បង្កឲ្យមានការភ្ញាក់ផ្អើលកាលពីវេលាម៉ោង ៥ល្ងាច ថ្ងៃទី១៩ ខែតុលា ឆ្នាំ២០១៧ នៅបន្ទប់ជួលភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះមានឈ្មោះ ជ.ស ភេទស្រី អាយុ២២ឆ្នាំ មុខរបរកម្មការិនីរោងចក្រ ស្នាក់នៅបន្ទប់ជួលភូមិ ទួលពង្រ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុកប្រាសាទបល័ង្ល ខេត្តកំពង់ធំ។ ចំណែកជនសង្ស័យឈ្មោះ គុយ សុគុណ ភេទប្រុសអាយុ២៤ឆ្នាំ មុខរបលើកអីវ៉ាន់នៅម្តុំគិរីរម្យ ស្នាក់នៅមិនពិតប្រាកដ មានស្រុកកំណើតនៅភូមិជាមួយជនរងគ្រោះ។
តាមសម្តីនារីរងគ្រោះបានរៀបរាប់ប្រាប់ថា បន្ទប់ជួលគាត់ស្នាក់នៅជាមួយមិត្តភក្តិស្រីនៅស្រុកនិងធ្វើការជាមួយគ្នា មានគ្នា៥នាក់ ។ ចំណែកជនសង្ស័យខាងលើមានស្រុកកំណើតជាមួយគ្នាដែរ តែនៅផ្ទះឆ្ងាយពីគ្នា ហើយមិនសូវរាក់ទាក់ជាមួយគ្នាឡើយ។ នៅមុនពេលកើតហេតុ រូបនាងទើបចេញមកពីធ្វើការរោងចក្រ ព្រោះមិនបានថែមម៉ោងទេ ចំណែកមិត្តភក្តិនិងអ្នកនៅបន្ទប់ជាមួយគ្នានៅថែមម៉ោងទំាងអស់គ្នា នាងចេញមុនគេតែឯង ។ ពេលចេញពីធ្វើការហើយនាងឆៀងទៅទិញម្ហូបរួច ទើបមកដល់បន្ទប់ជួលបានចាក់សោបន្ទប់ ហើយចូលទៅបើកភ្លើង ដោយមិនបានបិទទ្វារទេ ស្រាប់តែជនសង្ស័យខាងលើបានចូលមកពីក្រោយ ហើយបិទទ្វារចាក់គន្លឹះពីខាងក្នុងជាប់ ភ្លាមៗនោះនាងស្ទុះទៅបើកទ្វារដែរ តែជនសង្ស៏យនៅជិតទ្វារទាញនាងមិនឲ្យបើកទ្វារ ។
ប្រភពដដែលបានបន្តទៀតថា ពេលនោះជនសង្ស័យបានចាប់ច្របាច់ក ហើយខ្ទប់មាត់ មិនឲ្យស្រែក តែជនរងគ្រោះខាងលើនៅតែស្រែក ទើបជនសង្ស័យវាយទៅនារីរងគ្រោះ៤ដៃ ធ្វើឲ្យនាងភ័យលែងស្រែករួច ហើយជនសង្ស័យបានយកក្រមាចងដៃទៅក្រោយ ហើយសម្រាតសម្លៀកបំពាក់នាងចេញអស់ ជនសង្ស័យបានយកប្រដាប់ភេទយកមកដាក់ក្នុងប្រដាប់ភេទនាង តែប្រដាប់ភេទជនសង្ស័យទន់ ដាក់មិនអាចដាក់ចូល ស្រាប់តែជនសង្ស័យបានយកប្រដាប់ភេទទៅដាក់ក្នុងមាត់នាង តែនាងបិទមាត់ជិត ក៏ត្រូវជនសង្ស័យយកដៃច្របាច់ដោះ ហើយយកអំបោសបោសសំរាមដែលមានដងជ័រយកទៅដាក់ចូលក្នុងប្រដាប់ភេទនាង បណ្តាយឲ្យហូរឈាមហើយជនសង្ស័យខាងលើបានចូលបន្ទប់ទឹក នាងឃើញឱកាសល្អបានរត់ទាំងដៃជាប់ចំណងនឹងអាក្រាតកាយទៅដកគន្លឹះរត់ទៅបន្ទប់មិត្តភក្តិនៅក្បែរនោះ ឲ្យគេជួយកាត់ចំណង ជនសង្ស័យរត់គេចខ្លួនបាត់ស្រមោល ។
ក្រោយពេលកើតហេតុ នារីរងគ្រោះនិងមិត្តភក្តដែលនៅបន្ទប់ជាមួយគ្នា បាននាំគ្នាទៅដាក់ពាក្យបណ្តឹងនៅប៉ុសិ៍្តនគរបាលរដ្ឋបាលចោមចៅ ដើម្បីឲ្យសមត្ថកិច្ចរកមុខសញ្ញាខាងលើមកផ្តន្ទាទោសតាមច្បាប់ ៕
