តាមប្រភពព័ត៌មានពី The Sun ចេញផ្សាយកាលពីថ្ងៃសៅរ៍ ទី30 ខែមិថុនា ឆ្នាំ2018 បានឱ្យដឹងថា ខ្សែប្រយុទ្ធ Kylian Mbappé នឹងយកលុយដែលបានពីការប្រកួតបាល់ទាត់ពិភពលោក2018 នេះទាំងអស់ទៅជួយដល់អង្គការក្មេងកំព្រា។
Mbappé គឺជាខ្សែប្រយុទ្ធវ័យក្មេងរបស់បារាំង ទទួលបានប្រមាណជាង2ម៉ឺនដុល្លារ ក្នុងមួយប្រកួត នៅព្រឹត្តិការណ៍បាល់ទាត់ពិភពលោក2018នេះ។
បើយោងតាមកាសែតនៅបារាំង បានចុះផ្សាយថា ប្រាក់ដែលកីឡាករលេងនៅក្លឹបអាជីព Paris SG រូបនេះ បានមកពីការប្រកួតនឹងផ្តល់ជូនទៅខាងអង្គការក្មេងកំព្រាទាំងអស់។
ជាមួយគ្នានេះដែរ Umtiti មិត្តរួមក្រុមរបស់ Mbappé បាននិយាយដែរថា “ពេលបានលេងនៅបាល់ទាត់ពិភពលោក គឺជារឿងអស្ចារ្យបំផុត ពីព្រោះក្តីស្រមៃក្លាយជាការពិត។ ច្បាស់ណាស់រាល់ការប្រកួត កីឡាករតែងតែបានលុយ ប៉ុន្តែខ្ញុំមិនដែលខ្វល់រឿងនេះទេ ខ្ញុំលេងមិនមែនដើម្បីលុយនេះឡើយ”៕
