ទីបំផុត ក្លឹប Roma បានចុះកុងត្រាទិញកីឡាករខ្សែបម្រើ Steven Nzonzi ពីក្លឹបបាល់ទាត់អេស្ប៉ាញ Sevilla ក្នុងតម្លៃជាង៣៤លានដុល្លារ។ នេះបើយោងតាមប្រភពព័ត៌មាន BBC ចេញផ្សាយកាលពីថ្ងៃពុធ ទី១៥ ខែសីហា ឆ្នាំ២០១៨។
ប្រភពព័ត៌មានដដែលនោះ បានឲ្យដឹងថា កីឡាករវ័យ២៩ឆ្នាំ បានយល់ព្រមចុះកុងត្រារយៈពេល៤ឆ្នាំ ជាមួយក្លឹប Roma ជាមួយនឹងប្រាក់ឈ្នួលជាង៧ម៉ឺនដុល្លារ ក្នុង១សប្តាហ៍ ។
កីឡាករម្ចាស់ជើងឯកបាល់ទាត់ពិភពលោក រូបនេះ ធ្លាប់មានទំនាក់ទំនងជាមួយក្លឹប Arsenal កាលពីខែកក្កដា កន្លងទៅ។
ក្លឹប Roma បានបញ្ចប់ចំណាត់ថ្នាក់លេខបី នៅក្នុងក្របខណ្ឌ Italy serieA កាលពីរដូវកាលកន្លងទៅ។
អតីតខ្សែបម្រើក្លឹប Blackburn និង Stoke រូបនេះ បានចូលមកលេងឲ្យក្លឹប Sevilla កាលពីឆ្នាំ២០១៥ ក្រោយផ្លាស់មកពីក្លឹបStoke ។ នៅជាមួយក្លឹបនេះ ធ្លាប់ស៊ុតបាល់បាន៦គ្រាប’ក្នុងការបង្ហាញវត្តមាន៩០ប្រកួត៕
