សម្រាប់ការប្រកួតបាល់ទាត់ Uefa Super Cup រវាងក្រុមជើងឯក Champion League និង Europa League នឹងត្រូវធ្វើឡើងនៅប្រទេសអេស្តូនី នៅថ្ងៃទី១៥ សីហា ឆ្នាំ២០១៨ ខាងមុខនេះ។
ពានរង្វាន់ Uefa Super Cup គឺជាព្រឹត្តិការណ៍រប្រកួតបាល់ទាត់ដ៏ធំមួយ ដែលអ្នកស្នេហាវិស័យបាល់ទាត់ទទ្ទឹងរង់ចាំ ប៉ុន្តែអ្វីដែលធ្វើឱ្យពួកគេខកចិត្តនោះ គឺទាក់ទងទៅនឹងពហុកីឡដ្ឋានដែលអាចផ្ទុកមនុស្សបានត្រឹមតែ១៥០០០នាក់ប៉ុណ្ណោះ។
ក្រោយពីទទួលបានដំណឹងនេះភ្លាម អ្នកគាំទ្រក្លឹបទាំង២ ក៏ដូចជាមហាជនទូទៅបានសម្តែងការខកចិត្តយ៉ាងខ្លាំង។
អ្នកគាំទ្រក្លឹបទាំង២មកពីប្រទេសអេស្ប៉ាញ តែមួយ បានលើកសំណើឱ្យកែច្នៃពហុកីឡដ្ឋានថ្មី ឬក៏ត្រូវផ្លាស់ប្តូរប្រទេសប្រកួតតែម្តង។
ជាការពិតពហុកីឡដ្ឋាន A Le Coq Arena អាចផ្ទុកមនុស្សបាន១០៥០០នាក់ប៉ុណ្ណោះ តែ ក្រោយមកវាត្រូវបានពង្រីកជាបន្តបន្ទាប់រហូតសល់១៥០០០នាក់ នាពេលបច្ចុប្បន្ននេះ។
គួររំឭកថា ពហុកីឡដ្ឋាន A Le Coq គឺជាពហុកីឡដ្ឋានជាតិ មានទីតាំងស្ថិតនៅទីក្រុង Tallinn។ ក្រៅពីទទទួលការប្រកួតបាល់ទាត់ ពហុកីឡដ្ឋាននេះក៏ត្រូវបានគេប្រើប្រាស់ជាកន្លែងប្រគំតន្ត្រី និងព្រឹត្តិការណ៍ធំជាច្រើនទៀត៕